کوالالمپور۔19جنوری (اے پی پی):آئی سی سی ویمنز انڈر 19 ٹی 20 ورلڈ کپ میں سری لنکا نے ملائشیا اور بھارت نے ویسٹ انڈیز کو شکست دے دی ، ویمنز انڈر 19 ورلڈ کپ کے دلچسپ مقابلے ملائشیا میں جاری ہیں ، گزشتہ روز ٹورنامنٹ کے ساتویں میچ میں سری لنکا نے ملائشیا کو باآسانی 139 رنز سے ہرا دیا ،
فاتح ٹیم نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 162 رنز بنائے ، داہمی سانیتھامہ نے 55 رنز کی عمدہ اننگز کھیلی ، ملائشیا انڈر 19 مطلوبہ ہدف حاصل کرنے میں ناکام رہی اور پوری ٹیم 14.1 اوورز میں 23 رنز بنا کر آؤٹ ہو گئی ، سری لنکا کی چمودی پرابودا نے تین کھلاڑیوں کو آؤٹ کیا ، ایک اور میچ میں بھارت انڈر 19 نے ویسٹ انڈیز انڈر 19 کے خلاف 9 وکٹوں سے کامیابی حاصل کی ،
ویسٹ انڈیز ویمن پہلے بیٹنگ کرتے ہوئے 13.2 اوورز میں 44 رنز بنا کر آؤٹ ہو گئی ، کینیکا 15 رنز کے ساتھ ٹاپ سکورر رہیں ، پارونیکا سسودیا نے تین کھلاڑیوں کو آؤٹ کیا، جواب میں بھارت انڈر 19 نے مطلوبہ ہدف 4.2 اوورز میں ایک وکٹ کے نقصان پر حاصل کر لیا ، سنیکا نے 18 اور کاملینیا نے 16 رنز بنائے ۔
