24.2 C
Islamabad
اتوار, اگست 31, 2025
ہومکھیل کی خبریںآئی سی سی ویمنز کرکٹ ورلڈ کپ، پاکستان کے 15 رکنی سکواڈ...

آئی سی سی ویمنز کرکٹ ورلڈ کپ، پاکستان کے 15 رکنی سکواڈ کا اعلان

- Advertisement -

اسلام آباد۔25اگست (اے پی پی):آئی سی سی ویمنز کرکٹ ورلڈ کپ کیلئے 15 رکنی پاکستان سکواڈ کا اعلان کردیا گیا۔فاطمہ ثنا پہلی مرتبہ ون ڈے ورلڈکپ میں کپتانی کریں گی۔ایمان فاطمہ سمیت 7 خواتین کھلاڑیوں کو پہلی مرتبہ ورلڈکپ سکواڈ میں شامل کیا گیا ہے۔ پی سی بی کے مطابق نتالیہ پرویز، رامین شمیم، صدف شمس، سعدیہ اقبال، شوال ذوالفقار، سیدہ عروب شاہ پہلی بار ون ڈے ورلڈکپ کھیلیں گی۔

آئی سی سی ورلڈ کپ کوالیفائر سکواڈ میں دو تبدیلیاں کرتے ہوئے گل فیروزہ اور نجيحہ علوی کو ٹیم سے نکال دیا گیا ہے۔15 رکنی سکواڈ جنوبی افریقہ سے تین ون ڈے انٹرنیشنل بھی کھیلے گا۔ون ڈے سیریز لاہور میں 16 سے 22 ستمبر تک ہوگی۔جنوبی افریقہ وویمنز ٹیم 12 ستمبر کو لاہور پہنچے گی۔وویمنز کرکٹ ورلڈ کپ بھارت اور سری لنکا میں 30 ستمبر سے دو نومبر تک شیڈول ہے۔

- Advertisement -

پاکستان کے تمام ورلڈ کپ میچز کولمبو سری لنکا میں ہوں گے۔سکواڈ میں فاطمہ ثنا (کپتان)، منیبہ علی صدیقی، عالیہ ریاض، ڈیانا بیگ،ایمان فاطمہ، نشرا سندھو، نتالیہ پرویز، عمائمہ سہیل، رامین شمیم ، صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ، نان ٹریولنگ ریزروز میں گل فیروزہ، نجيحہ علوی، طوبہ حسن، امِ ہانی اور وحیدہ اختر شامل ہیں۔

- Advertisement -
متعلقہ خبریں
- Advertisment -

مقبول خبریں