آئی سی سی ویمنز کرکٹ ورلڈ کپ کوالیفائر،پاکستان کی ویمنز کھلاڑیوں کا 10روزہ تربیتی کیمپ لاہور میں منعقد ہو گا، کل رپورٹ کرنے کی ہدایت

لاہور۔19مارچ (اے پی پی):آئی سی سی ویمنز کرکٹ ورلڈ کپ کوالیفائر کے سلسلے میں پاکستان کی ویمنز کھلاڑیوں کا 10 روزہ تربیتی کیمپ لاہور میں منعقد ہوگا۔تمام کھلاڑیوں کو کل مقامی ہوٹل رپورٹ کرنے کی ہدایت کر دی گئی ہے۔

خواتین کھلاڑی ہیڈ کوچ محمد وسیم کی زیر نگرانی تربیتی کیمپ میں حصہ لیں گی اور کیمپ میں خواتین کھلاڑیوں کو سکلز بڑھانے کی ٹریننگ دی جائے گی۔کیمپ میں فنٹس کے ساتھ فیلڈنگ، باولنگ اور بیٹنگ کی پریکٹس بھی کرائی جائے گی۔خواتین کھلاڑیوں کے درمیان پریکٹس میچز بھی ہوں گے۔ویمنز پلیئرز کا کیمپ 30مارچ تک جاری رہے گا۔

Short Link: https://urdu.app.com.pk/urdu/?p=574429