ابوظہبی۔2ستمبر (اے پی پی):ابوظہبی میں سمندری پنجروں پر مبنی آبی زراعت کے منصوبے کا آغاز کر دیا گیا ۔یو اے ای کے خبر رساں ادارے وام نیوز کے مطابق ادارہ برائے ماحولیات ابوظہبی (ای اے ڈی) نے امارت ابوظہبی میں پہلا سمندری پنجرہ ایکوا کلچر پروجیکٹ (ایکوا کلچر سی کیج پراجیکٹ ) کا آغاز کیا ہے۔یہ منصوبہ شیخ حمدان بن زاید النہیان کی ہدایات کے تحت شروع کیا گیا ہے جس کا مقصد الظفرہ ریجن میں دیلما جزیرے کے جنوب مشرق میں واقع یہ منصوبہ، فلوٹنگ ایکواکلچر پنجرہ نظام کا مقصد مقامی مچھلیوں کی انواع کی افزائش پر سائنسی مطالعہ اور تحقیق کرنے اور ابوظہبی میں پائیدار سمندری ایکوا کلچر کے لیے ماحولیاتی ضوابط تیار کرنا ہے۔اس منصوبے سے جنگلی ماہی گیری کے وسائل پر دباؤ کم کرنے اور موسمیاتی تبدیلی کے اثرات سے نمٹنے میں مدد ملے گی۔
مزید یہ کہ یہ سمندری غذا کی بڑھتی ہوئی مانگ کے پیش نظر خوراک کی سلامتی کے مقاصد کی حمایت کرے گا اور اس شعبے میں مستقبل کی سرمایہ کاری کی حوصلہ افزائی کرے گا۔یہ منصوبہ ایک جدید نگرانی اور ڈیٹا جمع کرنے والے نظام سے بھی لیس ہوگا، جس میں مصنوعی ذہانت کا استعمال کیا جائے گا، جو اسے مشرق وسطیٰ میں اپنی نوعیت کا پہلا منصوبہ بنائے گا جس میں درجہ حرارت، پی ایچ، نمکیات، تحلیل شدہ آکسیجن، کدورت اور امونیا کی سطح سمیت سمندری پانی کے معیار کے پیرامیٹرز کی نگرانی کے لیے ماحولیاتی سینسر استعمال کیے جائیں گے۔اس کے علاوہ، مچھلیوں کے رویوں اور خوراک کی کارکردگی کو ٹریک کرنے کے لیے زیر آب،سطحی کیمرے اور شمسی پینلز سے چلنے والے ڈیٹا ٹرانسمیشن کے لیے ایک سمارٹ گیٹ وے بھی لگایا جائے گا۔اس منصوبے کے قیام سے پہلے، ای اے ڈی نے الظفرہ ریجن میں پائیدار ایکواکلچر ڈویلپمنٹ زونز قائم کرنے کے لیے ایک جدید مربوط ہائیڈروڈینامک اور ماحولیاتی ماڈلنگ نافذ کی۔
ماڈلنگ کا مقصد منتخب کردہ مقامات کے اندر مچھلیوں کے زیادہ سے زیادہ بائیوماس کا تعین کرنا تھا جسے ماحول پر اثر انداز کیے بغیر پائیدار طریقے سے پالا جا سکتا ہے۔س ماڈل میں منتخب کردہ مقامات کی ماحولیاتی پائیداری کو یقینی بنانے کے لیے لہر اور ذرات کی حرکت اور پانی کے معیار کا مطالعہ کرنے کے اجزاء بھی شامل تھے۔ منصوبے میں چھ فلوٹنگ سمندری پنجرے شامل ہیں جو سالانہ 100 ٹن مچھلی پیدا کرنے کی صلاحیت رکھتے ہیں۔ ہدف بنائی جانے والی مچھلیوں کی انواع میں مختلف مقامی اعلی قدر والی انواع جیسے کہ گبٹ، صافی، حمور اور شیری شامل ہیں، اور 168,000 صافی عربی، 122,000 گبٹ، 100,000 شام اور 90,000 شعری کو چھوڑا گیا ہے۔
