ابوظہبی نیشنل انرجی کمپنی طاقہ کو نو ماہ کے دوران 6.1 ارب درہم منافع

ابوظہبی۔13نومبر (اے پی پی):ابوظہبی نیشنل انرجی کمپنی ’’طاقہ‘‘ نے 30 ستمبر 2025 تک کے نو ماہ کے مالی نتائج جاری کیے ہیں، جن کے مطابق گروپ کی آمدنی 42.7 ارب درہم رہی، جو گزشتہ سال کے مقابلے میں 2.9 فیصد اضافہ ہے۔ اماراتی نیوز ایجنسی وام کے مطابق اس اضافے کی بنیادی وجہ ٹرانسمیشن اور ڈسٹری بیوشن شعبے میں زیادہ پاس تھرو ریونیو ہے۔

کمپنی نے اس عرصے کے دوران ریکارڈ خالص منافع 6.1 ارب درہم حاصل کیا۔سرمایہ کاری (کیپکس ) میں 47 فیصد اضافہ ہوا اور یہ بڑھ کر 8.9 ارب درہم تک پہنچ گئی، جو T&D نیٹ ورک میں بہتری، خصوصی منصوبوں، 1 گیگاواٹ الظفرہ تھرمل منصوبے کی پیش رفت اور واٹر سلوشنز کے بحالی کام کی وجہ سے ہے۔ اس میں برطانیہ میں ڈیکمی شِننگ اور شمالی امریکا میں کم سرگرمی کے باعث O&G کیپیکس میں کمی شامل ہے۔

طاقہ نے اپنی مالی مضبوطی برقرار رکھی، اور نیٹ ڈیٹ ٹو کیپٹل ریشو 34 فیصد رہی۔ کمپنی کی کل دستیاب نقد اور فنانسنگ سہولتیں 26.5 ارب درہم تک پہنچ گئیں، جن میں 7.4 ارب درہم نیٹ کیش اور 19.1 ارب درہم کی غیر استعمال شدہ کریڈٹ سہولتیں شامل ہیں۔بورڈ نے کمپنی کی ڈویڈنڈ پالیسی کے مطابق تیسری سہ ماہی کا 0.75 فِلس فی شیئر عبوری نقد منافع منظور کیا۔

گروپ سی ای او اور منیجنگ ڈائریکٹر جاسم حسین ثابت نے کہا کہ کمپنی نے بین الاقوامی سطح پر اینیماکے حصول اور سعودی عرب میں 3.6 گیگاواٹ پاور منصوبوں کی فنانشل کلوزر کے ذریعے سال کی تیسری سہ ماہی میں 2030 گروتھ اسٹریٹجی کے تحت نمایاں پیش رفت کی ہے۔انہوں نے کہا کہ یہ رفتار جاری ہے اور طاقہ اب یو اے ای کی اے آئی ٹیکنالوجی کی توسیع اور ملکی و عالمی سطح پر واٹر سکیورٹی کے اہم کردار میں آگے بڑھ رہی ہے۔