اسلام آباد ۔ 21 اگست (اے پی پی) وزیر اعظم کی معاون خصوصی برائے سماجی تحفظ و تخفیف غربت ڈاکٹر ثانیہ نشتر نے کہا ہے کہ احساس ایمرجنسی کیش حاصل کرنے کی آخری تاریخ 31 اگست 2020ءہے۔ اپنے بیان میں انہوں نے کہا کہ تمام وفات پانے والے اہل افراد کے لواحقین اور بائیو میٹرک تصدیق جیسے مسائل کا سامنا کرنے والے مستحقین پروگرام ختم ہونے کے ایک ماہ بعد تک اپنی رقم وصول کر سکیں گے۔ اگر آپ کو اپنی اہلیت کے بارے میں نہیں معلوم تو اس پورٹل پر جا کر اپنی اہلیت معلوم کریںhttps://ehsaas.nadra.gov.pk/ehsaasTracking اہل ہونے کی صورت میں درج ذیل لنک سے رقم وصولی کے مرکز کا پتہ دیکھیں اور رقم وصول کریں https://www.pass.gov.pk/Document/Downloads/Consolidatedlistof EECCampsitesBankBranches.pdf اگر والدین،خاوند یا بیوی اہل ہیں مگر وفات پا چکے ہیں تو اپنی درخواست پر مرحومہ کا نام اور شناختی کارڈ نمبر اور مرحوم/مرحومہ کے لواحقین میں سے مجوزہ مستحق فرد کا نام اور شناختی کارڈ نمبر درج کریں اور اس پتہ پر ارسال کریں۔ ڈاکٹر ثانیہ نشتر،معاون خصوصی برائے سماجی تحفظ وتخفیف غربت،ایف بلاک،پاک سیکرٹریٹ،اسلام آباد۔ اگر آپ اہل ہیں لیکن بائیومیٹرک تصدیق نہیں ہو رہی تو احساس کی جانب سے ایسے افراد کے لیے طریقہ کار وضع کردیا گیا ہے جس کے بارے میں آپ کو بینک کی نامزد برانچ سے ادائیگی کا ایس ایم ایس 8171 سے مل جائے گا جس میں بینک برانچ کا نام و پتہ اور ادائیگی کی تاریخ بھی درج ہو گی۔
