لاہور۔10اکتوبر (اے پی پی):عظیم گلوکاراستادنصرت فتح علی خان کا76واں یوم پیدائش 13اکتوبر کو منایا جائے گا۔ اس سلسلے میں ان کے مداح خصوصی تقریبات کا اہتمام کریں گے جبکہ مختلف ٹی وی چینلز سے خصوصی پروگرام پیش کیے جائیں گے جن میں مرحوم کی فنی خدمات کو خراج تحسین پیش کیا جائے گا ۔استاد نصرت فتح علی خان 13اکتوبر 1948 کو فیصل آباد میں پیدا ہوئے،
آپ کے والد استاد فتح علی خان اور چچا استاد مبارک علی خان اپنے دور کے مشہور قوال تھے۔نصرت فتح علی خان نے بھی بطور قوال دم مست قلند مست مست سے ملک گیر شہرت حاصل کی ۔انہوں نے قوالی کی صنف میں مغربی انداز متعارف کروایا جسے دنیا بھر میں بھرپور پذیرائی حاصل ہوئی۔
نصرت فتح علی خان برصغیر پاک و ہند سمیت دنیا بھر میں مقبول تھے ،ان کی وفات سے گلوکاری کے میدان میں پیدا ہونے والا خلا مدتوں پورا نہ ہو سکے گا۔
Short Link: https://urdu.app.com.pk/urdu/?p=510910
