تل ابیب ۔28ستمبر (اے پی پی):اسرائیل نےغزہ کے ساتھ ایک اہم کراسنگ کو فلسطینی کارکنوں کے لیے دوبارہ کھولنے کا اعلان کیا ہے۔
سعودی خبررساں ادارے کے مطابق اسرائیلی حکام نے ابتدائی طور پر 15 ستمبر کو یہودیوں کے نئے سال کی تعطیلات کے لیے ایریز کراسنگ کو بند کر دیا تھا جو غزہ کی پٹی سے فلسطینی راہگیروں کے لیے واحد گیٹ وے ہے۔لیکن انہوں نے سرحد کے ساتھ روزانہ ہونے والے مظاہروں کے بعد سکیورٹی وجوہات کے پیشِ نظر بندش کا دورانیہ بڑھا دیا جس میں اسرائیلی فوجیوں کے ساتھ جھڑپوں میں متعدد مظاہرین ہلاک اور زخمی ہو گئے تھے۔
طبی علاج کے خواہشمند مریضوں اور غیر ملکیوں کو کراسنگ استعمال کرنے کی اجازت دی گئی لیکن ساحلی علاقوں سے تعلق رکھنے والے ہزاروں فلسطینی کارکنوں کے اسرائیل میں داخلے پر پابندی عائد کر دی گئی تھی۔فلسطینی شہری امور کے ذمہ دار اسرائیلی دفاعی ادارے سی او جی اے ٹی نے کہا کہ کراسنگ کل سے کارکنوں کے لیے دوبارہ کھول دی جائے گی۔فلسطینی شہری امور کی وزارت نے تصدیق کی ہے کہ کراسنگ دوبارہ کھول دی گئی تھی۔
Short Link: https://urdu.app.com.pk/urdu/?p=395774
