سمبڑیال۔ 16 مئی (اے پی پی):اسسٹنٹ کمشنر سمبڑیال احسن ممتاز گوندل نے مختلف تعلیمی اداروں کا دورہ کیا اور تعلیمی اداروں میں جاری سٹوڈنٹ کونسل کے انتخابات کے لیے جاری پولنگ کے عمل کا جائزہ لیا۔
حکومت پنجاب نے سٹوڈنٹس کونسل کا ضابطہ اخلاق اور انتخابی شیڈول جاری کیا تھا جس کے مطابق سکولوں میں طلبہ و طالبات نے خفیہ رائے شماری کے ذریعے صدر، نائب صدر، جنرل سیکرٹری اور فنانس سیکرٹری کا انتخاب کیا۔شیڈول کے مطابق ہر کلاس میں ایک ایک کلاس نمائندہ بھی منتخب کیا جائے گا،
ہر سیٹ کے لئے بار کونسلز سٹائل میں صرف ہر امیدوار انفرادی حیثیت میں الیکشن کا اہل تھا۔ اسسٹنٹ کمشنر نے سٹوڈنٹس کونسل کے انتخابی عمل کا جائزہ لینے کے دوران کہا کہ سٹوڈنٹس کونسل کے انتخابات کا مقصد سکولوں کے نصابی و ہم نصابی سرگرمیوں کے حوالے سے فیصلہ سازی میں طلبہ کی عملی شرکت یقینی بنانا ہے، جلد تمام سٹوڈنٹس کونسلز کے نمائندے حلف اٹھائیں گے۔
