اسسٹنٹ کمشنر سیالکوٹ کا شہر کی جامع مساجد و امام بارگاہوں کا دورہ

سیالکوٹ۔2مئی (اے پی پی):اسسٹنٹ کمشنر سیالکوٹ انعم بابر نےجمعتہ المبارک کے پیش نظر شہر کی مختلف مساجد و امام بارگاہوں کا دورہ کیا، اردگرد سکیورٹی اور صفائی ستھرائی کے انتظامات کا جائزہ لیا۔

اسسٹنٹ کمشنر سیالکوٹ نے فرائی ڈے پلان کے تحت تحصیل سیالکوٹ کی مختلف مسا جد کے اردگرد خصوصی صفائی کا اہتمام کروایا،چونا کاری کی تاکہ نمازی حضرات نماز جمعہ آسانی سے ادا کر سکیں۔

اس موقع پر انہوں نے کہانکہ جمعتہ المبارک رحمتوں اور برکتوں کا دن ہے جو ہمیں پیار،محبت، بھائی چارہ اور امن و امان کا درس دیتا ہے لہذا ہم سب کو مل کر اس پر عمل کرنا چاہیے،ایک دوسرے کا خیال رکھنا چاہئے اور اللہ کی رحمتوں کو سمیٹنا چاہئے۔

Short Link: https://urdu.app.com.pk/urdu/?p=591083