بہاول پور ۔ 09 جولائی (اے پی پی):اسلامیہ یونیورسٹی بہاولپور کی فنانس اینڈ پلاننگ کمیٹی نے مالیاتی سال 2025-26 کے لیے9102ملین روپےکی بجٹ سفارشات کی منظوری دے دی۔ کمیٹی کا اجلاس پروفیسر ڈاکٹر محمد کامران وائس چانسلر کی سربراہی میں عباسیہ کیمپس میں منعقد ہوا۔ ڈاکٹر عبدالستار ظہوری خزانہ دار نے مالیاتی سال کا بجٹ پیش کیا۔
بجٹ میں یونیورسٹی کی تعمیر و ترقی، تحقیقی سرگرمیوں کے فروغ اور ملازمین اور طلبا و طالبات کی فلاح وبہبود اور وظائف پر خصوصی توجہ مرکوز کی گئی ہے۔ اسلامیہ یونیورسٹی بہاولپور کو مالیاتی سال کے بجٹ میں 409ملین روپے کا خسارہ درپیش ہے۔
اجلاس میں کمیٹی ممبران پروفیسر ڈاکٹر محمدخالد منصور ڈین فیکلٹی آف ویٹرنری اینڈ اینیمل سائنسز، پروفیسر ڈاکٹر عبدالماجد مکی چیئرمین شعبہ کامرس، ڈاکٹر عبدالستار ظہوری خزانہ دار، محمد شجیع الرحمن رجسٹرار، شاہ سوار ڈویژنل ڈائریکٹر لوکل فنڈ ملتان، ڈاکٹر ثمینہ درانی ڈائریکٹر فنانس ہائر ایجوکیشن کمیشن اور زاہدہ اختر ایڈیشنل سیکرٹری یونیورسٹیز نے شرکت کی۔
