اسلام آباد ، پنجاب، خیبر پختونخوا، خطہ پوٹھوہار، شمال مشرقی بلوچستان، کشمیر اور گلگت بلتستان میں بعض مقامات پر تیز ہواؤں اور گرج چمک کے ساتھ بارش کا امکان

اسلام آباد۔10جولائی (اے پی پی):وفاقی دارالحکومت اسلام آباد سمیت پنجاب، خیبر پختونخوا، خطہ پوٹھوہار، شمال مشرقی بلوچستان، کشمیر اور گلگت بلتستان میں بعض مقامات پر تیز ہواؤں اور گرج چمک کے ساتھ بارش کا امکان ہے۔ اس دوران چند مقامات پر موسلادھار بارش بھی متوقع ہے تاہم ملک کے دیگر علاقوں میں موسم گرم اور مرطوب رہے گا۔ محکمہ موسمیات کے مطابق گذشتہ 24 گھنٹوں کے دوران بالائی خیبرپختونخوا، اسلام آباد، خطہ پوٹھوہار، بالائی پنجاب، کشمیر اور زیریں سندھ میں تیز ہواؤں اور گرج چمک کے ساتھ بارش جبکہ چند مقامات پر موسلادھار بارش بھی ہوئی۔

ملک کے دیگر علاقوں میں موسم گرم اور مرطوب رہا۔ اس دوران سب سے زیادہ بارش مالم جبہ میں 60، کاکول 15، دیر (بالائی 12، زیریں 3)، پاراچنار 7، بالاکوٹ 6، پٹن، سیدو شریف 5، پشاور ایئرپورٹ، مردان ایک، اسلام آباد (سید پور 45، زیروپوائنٹ 39، گولڑہ 22، بوکرا 4، ائرپورٹ 3)، راولپنڈی (شمس آباد 34، چکلالہ ایئرپورٹ 19، کچہری 11)، لاہور (تاج پورہ 30، لکشمی چوک 29، قرطبہ چوک 25، فرخ آباد 24، اپر مال، چوک ناخدا، شاہی قلعہ 20، ائرپورٹ 14، گلشن راوی 13، نشتر ٹاؤن، سٹی 5، واسا ہیڈ آفس، سمن آباد 2)، فیصل آباد 19، منگلا 11، مری 10، جہلم، حافظ آباد 8، منڈی بہاؤالدین،

گجرات 7، چکوال 6، سیالکوٹ (ائرپورٹ)، گوجرانوالہ 5، اٹک 4، کراچی (گلشن حدید 14، اولڈ ایریا ایئرپورٹ 6، سعدی ٹاؤن 4، کورنگی 3، کیماڑی 2، سرجانی ٹاؤن، مسرور بیس، ملیر، ڈی ایچ اے ایک)، ٹھٹھہ 14، راولاکوٹ 10، مظفر آباد (سٹی 5، ائرپورٹ 4)، گڑھی دوپٹہ اور کوٹلی میں 2 ملی میٹر بارش ریکارڈ کی گئی۔ بدھ کو ریکارڈ کئے گئے زیادہ سے زیادہ درجہ حرارت کی رپورٹ کے مطابق جیکب آباد میں درجہ حرارت 47، سبی، نوکنڈی، سبی اور دالبندین میں 46 ڈگری سینٹی گریڈ ریکارڈ کیا گیا۔

Short Link: https://urdu.app.com.pk/urdu/?p=483536