اسلام آباد سمیت شمال مشرقی پنجاب، بالائی خیبر پختونخوا، سندھ، بلوچستان، گلگت بلتستان اور کشمیر کے ملحقہ پہاڑی علاقوں میں تیزہواو¿ں اور گرج چمک کے ساتھ بارش کا امکان ہے، محکمہ موسمیات

اسلام آباد ۔ 16 اگست (اے پی پی) محکمہ موسمیات کے مطابق آئندہ 24گھنٹوں کے دوران اسلام آباد سمیت شمال مشرقی پنجاب، بالائی خیبر پختونخوا، سندھ، بلوچستان، گلگت بلتستان اور کشمیر کے ملحقہ پہاڑی علاقوں میں تیزہواو¿ں اور گرج چمک کے ساتھ بارش کا امکان ہے جبکہ ملک کے دیگر علاقوں میں موسم گرم اور مرطوب رہنے کا امکان ہے۔گذشتہ 24 گھنٹوں کے دوران اسلام آباد سمیت شمال مشرقی پنجاب، کشمیر، بالائی خیبر پختونخوا،بلوچستان اور گلگت بلتستان میں چند مقامات پر گرج چمک کے ساتھ بارش ہوئی۔ سب سے زیادہ بارش صوبہ سندھ کے علاقے اسلام کوٹ میں 20،ڈپلو 9، کلوئی8، خیبر پختونخواہ دیر میں 3، بونیر 2 اور اسلام آباد میں ایک ملی میٹر ریکارڈ کی گئی جبکہ سب سے زیادہ درجہ حرارت والبندین ، نوکنڈی میں 46، چلاس 44، دادو، موہنجوداڑو اور سبی میں 43 ڈگری سینٹی گریڈ ریکارڈ کیا گیا۔