اسلام آباد ۔ 21 اگست (اے پی پی) وفاقی دارالحکومت اسلام آباد سمیت ملک کے مختلف علاقوں میں تیز ہواؤں اور گرج چمک کے ساتھ مزید بارش کا امکان ہے جبکہ سندھ اور مشرقی بلوچستان میں موسلادھار بارش کے باعث اربن فلڈنگ اور ندی نالوں میں طغیانی کا خدشہ ہے۔ محکمہ موسمیات کے مطابق (آج) ہفتہ کو سندھ، شمال مشرقی بلوچستان، جنوبی پنجاب میں تیز ہوائوں اور گرج چمک کے ساتھ بارش کی توقع ہے۔ شمال مشرقی پنجاب، بالائی خیبرپختونخوا، گلگت بلتستان اور کشمیر میں چند مقا مات پر بارش ہو سکتی ہے۔ اس دوران سندھ اور مشرقی بلوچستان میں موسلادھار بارش کے باعث اربن فلڈنگ اور ندی نالوں میں طغیانی کا خدشہ ظاہر کیا گیا ہے۔ گذشتہ 24 گھنٹوں کے دوران سندھ، خیبرپختونخوا، اسلام آباد، پنجاب، کشمیراور گلگت بلتستان میں بارش ہوئی۔ سب سے زیادہ بارش سندھ میں کراچی (سرجانی 170، نارتھ کراچی 88، ناظم آباد 86، گلشن حدید 77، مسرور بیس 46، لانڈھی، یونیورسٹی روڈ 21، جناح ٹرمینل 18، فیصل بیس 14،میٹ آبزرویٹری 07)، بدین 27، ٹھٹہ 23، مٹھی22، ٹنڈو جام 10، دادو 09، ڈپلو 04، پڈعیدن 03،حیدر ا?باد، چھاچرو 02، پنجاب میں اوکاڑہ 45، گجرات 26، گوجرانوالہ 15، سیالکوٹ(ایئر پورٹ 12،سٹی 05) ،جہلم 04، منڈی بہائوالدین 03، حافظ آباد، لاہور (ائیر پورٹ) 02، اسلام آباد (ایئر پورٹ)، فیصل آباد01، کشمیر میں مظفر آباد ( ایئر پورٹ 33، سٹی 11)، گڑھی دوپٹہ 16، خیبر پختونخواہ میں کاکول 24، بالاکوٹ 21 ، کالام 08، پاراچنار، پٹن04، سیدو شریف 02، گلگت بلتستان میں گوپس 02 اورسکردو کے مقام پر ایک ملی میٹر بارش ریکارڈ کی گئی۔ اس دوران ملک میں زیادہ سے زیادہ درجہ حرارت نوکنڈی44، دالبندین 43 اور تربت میں 42ڈگری سینٹی گریڈ ریکارڈ کیا گیا۔
