اسلام آباد پولیس کا غیرقانونی اسلحہ اور منشیات فروشوں کے خلاف کریک ڈاؤن جاری ، 17 ملزمان گرفتار

اسلام آباد۔18مارچ (اے پی پی):اسلام آباد پولیس نے غیرقانونی اسلحہ اور منشیات فروشوں کے خلاف کریک ڈاؤن کے دوران 24 گھنٹوں میں 17ملزمان کو گرفتارکر لیا۔

پولیس ترجمان کے مطابق ملزمان سے 5 مختلف بور کے پستول، ایک رائفل معہ ایمونیشن برآمدکر لئے۔گرفتار منشیات فروشوں کے قبضہ سے2360گرام ہیروئن اور 495 گرام آئس برآمد کر لی، پولیس نے ملزمان کے خلاف مقدمات درج کرکے مزید تفتیش شروع کردی ہے۔

ڈی آئی جی اسلام آباد محمد جواد طارق نے کہا کہ شہریوں کے جان و مال کا تحفظ اسلام آباد پولیس کی اولین ترجیح ہے۔

Short Link: https://urdu.app.com.pk/urdu/?p=573764