اسلام آباد۔23مارچ (اے پی پی):اسپیکر قومی اسمبلی سردار ایاز صادق نے روس کے دارالحکومت ماسکو میں دہشتگردی کے واقعہ کی مذمت کرتے ہوئے روسی پارلیمان، عوام،حکومت اور متاثرین سے دلی ہمدردی اور یکجہتی کا اظہار کیا ہے۔
ہفتہ کو یہاں جاری بیان میں اسپیکر نے ماسکو میں دہشتگردی کی افسوسناک واقعہ میں ہونے والے جانی نقصان پر افسوس کا اظہار کرتے ہوئے کہا ہے کہ مشکل گھڑی میں روسی عوام اور حکومت کے ساتھ کھڑے ہیں، پاکستان ہر قسم کی دہشتگردی کی شدید مذمت کرتا ہے،
اسپیکر قومی اسمبلی نے کہا کہ دہشتگردوں کا کسی مذہب سے کوئی تعلق نہیں ,وہ انسانیت کے دشمن ہیں،پاکستان گزشتہ کئی سالوں سے دہشتگردی جیسے ناسور سے نبرد آزما ہے۔
