راولپنڈی۔10دسمبر (اے پی پی):افواج پاکستان، چیئرمین جوائنٹ چیف آف سٹاف کمیٹی اور سروسز چیفس نے سوار محمد حسین شید (نشان حیدر ) کے 52 ویں یوم شہادت کے موقع پر شاندار خراج عقیدت پیش کیا ہے۔ پاک فوج کے شعبہ تعلقات عامہ (آئی ایس پی آر)کے مطابق 1971کی جنگ میں ظفر وال ، شکر گڑھ سیکٹر پر سوار محمد حسین شہید نے بے مثال جرات کے ساتھ دشمن کو بھاری نقصان پہنچایا اور تن تنہا 16بھارتی ٹینکوں کو تباہ کیا ۔
سوار محمد حسین شہید کا یوم شہادت افواج پاکستان کی مادر وطن کے لئے دی جانے والی قربانیوں کا مظہر ہے ، ملک کی آبرو کے لئے اپنی جان نچھاور کرنے والے پاکستان کے یہ درخشندہ ستارے بلا شبہ عزت و تکریم کے مستحق ہیں ، پوری قوم کو اپنے بہادر سپوتوں پر فخر ہے ۔
 کے 52 ویں یوم شہادت کے موقع پر شاندار خراج عقیدت پیش){kind=link}