اقوام متحدہ ۔15نومبر (اے پی پی):اقوام متحدہ نے جی 20ممالک پر زور دیا کہ وہ خوراک، توانائی سمیت عالمی بحرانوں سے نمٹنے کے لیے اقدامات کی حمایت کریں۔ اقوام متحدہ کے سکریٹری جنرل انتونیو گوتیریش نے جی 20 سربراہی اجلاس کے موقع پر انڈونیشیا میں ایک پریس کانفرنس میں جی 20 ممالک پر زور دیا کہ موسمیاتی تبدیلی، پائیدار ترقی، دنیا بھر میں خوراک اور توانائی کے بحرانوں اور ڈیجیٹل ٹرانسفارمیشن سے نمٹنے کے لیے ان کے اقدامات کی حمایت کریں۔
انہوں نے کہاکہ جی 20 کی جانب سے کارروائی یا غیر فعال ہونا اس بات کا تعین کرنے کے لیے اہم ہوگا کہ آیا ہر کسی کو ایک پرامن اور صحت مند سیارے پر رہنا ہے۔انہوں نے کہاکہ جغرافیائی سیاسی تقسیم نئے تنازعات کو جنم دے رہی ہے اور پرانے تنازعات کو حل کرنا اس وقت مشکل بنا رہی ہے جب موجودہ مہنگائی اور ماحولیاتی تبدیلی سے ہرجگہ لوگ متاثر ہو رہے ہیں۔انہوں نے اس موقع پر ایک موسمیاتی یکجہتی معاہدہ بنانے کی تجویز پیش کی جس میں ترقی یافتہ اور ابھرتی ہوئی معیشتوں کو ایک ساتھ لا کر وسائل اور صلاحیتوں کو یکجا کیا جائے تاکہ کرہ ارض پر ہر ایک کو فائدہ پہنچے۔
اقوام متحدہ کے سربراہ نے کہا کہ وہ امید کرتے ہیں ترقی پذیر ممالک اور بین الاقوامی مالیاتی ادارے ابھرتی ہوئی معیشتوں کو قابل تجدید توانائی کی جانب منتقلی کو تیز کرنے میں مدد کے لیے فنڈز اور تکنیکی مدد فراہم کریں گے ۔ انہوں نے کہا کہ جی 20 کے رہنما موسمیاتی یکجہتی بنا یا توڑ سکتے ہیں جسے وہ کل دوبارہ پیش کرنے کا ارادہ رکھتے ہیں ۔
اس معاہدے کے تحت وہ اس دہائی میں 1.5 ڈگری درجہ حرارت کو برقرار رکھنے کے لیے اضافی کوششیں کریں گے،یہ معاہدہ نامیاتی ایندھن پر انحصار ختم کرنے میں مدد کرے گا اور سب کے لیے آفاقی، سستی، پائیدار توانائی فراہم کرے گا۔انہوں نے بتایا کہ ترقی پذیر ممالک پائیدار ترقیاتی اہداف کے حصول کے لیے درکار مالیات تک رسائی سے بھی قاصر ہیں، جس میں غربت اور بھوک میں کمی اور صحت کی دیکھ بھال اور تعلیم میں سرمایہ کاری شامل ہے۔پائیدار ترقیاتی اہداف ایک ایس او ایس جاری کررہے ہیں جس میں متنبہ کرتے ہوئے جی 20 معیشتوں پر زور دیا گیاکہ وہ پائیدار ترقیاتی اہداف کے حصول کے لیےمحرک پیکج اپنائیں جو گلوبل ساؤتھ کی حکومتوں کو سرمایہ کاری اور لیکویڈیٹی فراہم کرے گا، اور قرضوں میں ریلیف اور تنظیم نو کی پیشکش کرے گا۔
انہوں نے کہاکہ یوکرائنی اناج کی برآمدات پر اقوام متحدہ کی ثالثی کا معاہدہ اس بات کو یقینی بنانے کی کوشش ہے کہ روسی اناج اور کھادیں عالمی منڈیوں تک رسائی حاصل کر سکیں جو عالمی غذائی تحفظ کے لیے ضروری ہیں۔ انہوں نے کہاکہ یوکرین جنگ نے ہماری نامیاتی ایندھن کے استعمال کی عادت کے خطرات کو عیاں کردیا ہے اور یہ ناقابل تجدید توانائی کی طرف منتقلی کے لئے سب سے بڑی دلیل ہے۔
انہوں نے ڈیجیٹل تبدیلی میں قیادت کی ضرورت اور ٹیکنالوجی پر محافظوں کی ضرورت پر زور دیتے ہوئے نتیجہ اخذ کیا کہ طاقتور ٹیک کمپنیاں انسانی حقوق اور ذاتی پرائیویسی کے حوالے سے سخت رویہ اپنا رہی ہیں اور منافع کے حصول کے لیے غلط معلومات کے لیے پلیٹ فارم مہیا کر رہی ہیں۔ انہوں نے کہاکہ میں واضح کرنا چاہوں گاکہ غلط معلومات نہ صرف انسانی زندگی اور موت کے مسائل پر مبنی ہیں بلکہ معاشرے میں تناو کا باعث بھی ہیں ۔
انہوں نے اس موقع پر ایک محفوظ اور جامع انٹرنیٹ کے لیے گلوبل ڈیجیٹل کمپیکٹ کی بنیاد پر آگے بڑھنے کی تجویز پیش کی ۔ انہو ں نے ایک عالمی ضابطہ اخلاق کا مطالبہ بھی کیا جو عوامی مواصلات کے ساتھ ساتھ معلوماتی خواندگی میں سالمیت کو فروغ دیتا ہے۔
