اسلام آباد۔3اکتوبر (اے پی پی):الیکشن کمیشن نے عام انتخابات میں پنجاب سے دائر کی گئی انتخابی عذرداریاں نمٹانے کے لیے الیکشن ٹربیونلز کی تشکیل کا نوٹیفکیشن جاری کر دیا،پنجاب کے لیے 8 الیکشن ٹربیونلز تشکیل دیئے گئے،الیکشن ٹربیونلز میں حاضر سروس اور ریٹائرڈ ججز کو شامل کیا گیا ہے،حاضر سروس ججز کے لیے چیف جسٹس لاہور ہائی کورٹ سے مشاورت کی گئی۔
جمعرات کو جاری کئے نوٹیفکیشن کے مطابق شیخوپورہ، ننکانہ، سیالکوٹ، وزیرآباد اور لاہور کے چند حلقوں کے لیے جسٹس سلطان تنویر احمد پر مشتمل ٹربیونل تشکیل دیاگیا۔لاہور کے دیگر حلقوں کے لیے جسٹس ریٹائرڈ رانا زاہد محمود پر مشتمل ٹربیونل تشکیل دیاگیا۔چنیوٹ، فیصل آباد، ٹوبہ ٹیک سنگھ، جھنگ اور حافظ آباد کے لیے جسٹس محمد اقبال چوہدری پر مشتمل ٹربیونل تشکیل دیا گیا۔
قصور، اوکاڑہ، ساہیوال، پاک پتن اور وہاڑی کے لیے جسٹس انور حسین پر مشتمل ٹربیونل تشکیل دیاگیا۔گوجرانوالہ، گجرات، منڈی بہائوالدین اور نارووال کے لیے جسٹس ریٹائرڈ محمود مقبول باجوہ پر مشتمل ٹربیونل تشکیل دیا گیا۔ملتان، خانیوال، ڈی جی خان، تونسہ، راجن پور، کوٹ ادو اور لیہ کے لیے جسٹس سردار سرفراز ڈوگر پر مشتمل ٹربیونل تشکیل دیاگیا۔بہاولپور، بہاول نگر، رحیم یار خان، لودھراں اور مظفرگڑھ کے لیے جسٹس ریٹائرڈ ظفر اقبال پر مشتمل ٹربیونل تشکیل دیا گیا۔راولپنڈی، اٹک، تلہ گنگ، جہلم، مری اور چکوال کے لیے جسٹس ریٹائرڈ عبدالشکور پراچہ پر مشتمل ٹربیونل تشکیل دیا گیا ۔
Short Link: https://urdu.app.com.pk/urdu/?p=508193
