ریاض۔20مئی (اے پی پی):امریکا اور متحدہ عرب امارات میجر ڈیفنس پارٹنر بننے پر متفق ہوگئے ہیں۔العربیہ کے مطابق متحدہ عرب امارات کو میجر ڈیفنس پارٹنر کا درجہ دینے کے لیے سابق امریکی صدر جوبائیڈن کے دور میں گزشتہ سال نامزد کیا گیا تھا۔ اب دونوں ممالک نے اس سلسلے میں باضابطہ اتفاق کیا ہے۔اس سلسلے میں خواہش کے اظہار کے لیے ایک خط پر امارات کے وزیر مملکت برائے دفاعی امور محمد مبارک المزروئی اور پینٹاگان کے سربراہ پیٹ ہیگستھ نے گزشتہ ہفتے دستخط کیے تھے۔
اس خط کی رو سے اس خواہش کا اظہار ہوتا ہے کہ دونوں ممالک اس کمٹمنٹ کو شیئر کرتے ہیں کہ وہ ایک روڈ میپ پر متفق ہیں جو دونوں ممالک کے درمیان فوجی و دفاعی تعاون بڑھانے کے لیے رہنمائی کرے گا۔ نیز طویل مدتی دفاعی روابط دونوں ممالک کے درمیان جاری رہیں گے۔اس دستخط شدہ خط کے مطابق دونوں طرف سے مرحلہ وار بنیادوں پر ایک فریم ورک تشکیل دیا جائے گا جو دفاعی شعبے میں جدت کی بنیاد پر ہونے والی پیش رفت کو باہمی اشتراک سے بڑھائے گا۔امریکاکے وزیر دفاع پیٹ ہیگستھ نے اس موقع پر دونوں ممالک کے درمیان ایک سٹریٹجک انیشیٹو کا بھی اعلان کیا ہے۔
جسے یو ایس ڈیفنس انوویشن یونٹ اور امارات کی توازن کومسل دیکھے گی،تاکہ دونوں ملک میں فوجی و دفاعی ریسرچ اور اختراع کے فوجی میدان میں باہمی تعاون کو فروغ دیا جائے گا۔ اس اتفاق کے نتیجے میں دوطرفہ دفاعی شعبے میں سرمایہ کاری بھی شامل ہوگی۔اس سلسلے میں جاری کیے گئے بیان میں کہا گیا ہے کہ پارٹنر کے طور پر نامزد کرنا باہمی اعتماد، مشترکہ مقاصد اور علاقائی و عالمی سلامتی کے لیے مشترکہ عزم پر مبنی دہائیوں پر محیط تعلقات کا عکاس ہے۔
Short Link: https://urdu.app.com.pk/urdu/?p=599179
