واشنگٹن ۔ 7 اگست (اے پی پی) امریکہ کی مختلف ریاستوں میں فائرنگ کے رونما ہونے والے واقعات کے نتیجے میں 14افراد ہلاک ہو گئے۔ فائرنگ کے اعداد و شمار جمع کرنے والے امریکی مرکز کی رپورٹ میں کہا گیا ہے کہ گذشتہ 24 گھنٹے کے دوران میشی گن، ڈلیور، ٹیکساس، انڈیانا اور نیویارک سمیت مختلف ریاستوں میں فائرنگ کے80 واقعات ریکارڈ کیے گئے جن میں کم سے کم 14افراد ہلاک اور45 زخمی ہوئے ہیں۔ واضح رہے کہ امریکہ میں فائرنگ کے واقعات میں ہرسال ہزاروں افراد ہلاک اور زخمی ہوجاتے ہیں جبکہ اسلحہ ساز کمپنیوں کی حامی لابی کی مخالفت کے باعث ہتھیاروں کے کنٹرول کا کوئی قانون وضع نہ ہو سکا۔
