نیویارک۔ 17 جولائی (اے پی پی)امریکا و یورپ میں سونے کے نرخوں میں کمی اور ایشیاءمیںاستحکام رہا جس کی وجہ بہتر امریکی ریٹیل سیل ڈیٹا رپورٹ، اس کے باعث فیڈرل ریزرو کی جانب سے سود کی شرح میں کمی نہ ہونے کا امکان اور ڈالر کی شرح تبادلہ میں اضافہ ہے۔ نیویارک میں سپاٹ گولڈ کے وقفے پر نرخ 0.4 فیصد کم ہوکر 1408.74 ڈالر فی اونس رہے۔ امریکی سونے کے سودے 0.2 فیصد کمی کے ساتھ 1411.20 ڈالر فی اونس طے پائے۔ لندن میں سپاٹ گولڈ کے نرخ 0.3 فیصد کم ہوکر 1409.07 ڈالر فی اونس رہے۔ امریکی سونے کے سودے 0.2 فیصد کمی کے ساتھ 1410.60 ڈالر فی اونس طے پائے۔ ایشیا میں سپاٹ گولڈ کے نرخ 1413.68 ڈالر فی اونس کی سطح پر فلیٹ رہے۔ امریکی سونے کے سودے 0.2 فیصد اضافے کے ساتھ 1415.80 ڈالر فی اونس طے پائے۔
