نیویارک۔ 7 ستمبر (اے پی پی)امریکہ اور ایشیا میں سونے کے نرخوں میں کمی اور یورپ میں اضافہ ہوا جس کی وجہ امریکی فیڈرل ریزرو چیف کا بیان، کمزور نام فارم پے رول رپورٹ اور ڈالر کی شرح تبادلہ ہے۔نیویارک میں سپاٹ گولڈ کے وقفے کے بعد نرخ 0.7 فیصد کم ہوکر 1508 ڈالر فی اونس رہے۔امریکی سونے کے سودے 10 ڈالر کمی کے ساتھ 1515.50 ڈالر فی اونس طے پائے۔ایشیا میں سپاٹ گولڈ کے نرخ 0.6 فیصد کم ہوکر 1509.41 ڈالر فی اونس رہے۔امریکی سونے کے سودے 0.5 فیصد کمی کے ساتھ 1517.90 ڈالر فی اونس طے پائے۔لندن میں سپاٹ گولڈ کے نرخ وقفے سے قبل 0.1 فیصد بڑھ کر 1519.96 ڈالر فی اونس رہے۔امریکی سونے کے سودے 0.2 فیصد اضافے کے ساتھ 1528.30 ڈالر فی اونس طے پائے۔
