اسلام آباد۔12مارچ (اے پی پی):امریکی سفارتخانہ نے بلوچستان میں جعفر ایکسپریس پر حملے اور مسافروں کو یرغمال بنانے کی شدید مذمت کی ہے۔ بدھ کو سماجی رابطہ ایکس پر ایک پوسٹ میں سفارتخانہ کی جانب سے کہا گیا کہ ہم متاثرین، ان کے اہل خانہ اور اس خوفناک واقعے سے متاثر ہونے والے تمام افراد سے گہری ہمدردی اور تعزیت کا اظہار کرتے ہیں۔
بیان میں مزید کہا گیا کہ اس حملے کی ذمہ داری بلوچ لبریشن آرمی (بی ایل اے) نے قبول کی ہے جسے امریکہ نے ایک عالمی دہشت گرد گروپ قرار دیا ہے۔ امریکی سفارتخانہ کے جاری بیان کے مطابق پاکستانی عوام کو تشدد اور خوف سے آزاد زندگی گزارنے کا حق حاصل ہے،
امریکہ پاکستان کا مضبوط شراکت دار رہے گا تاکہ وہ اپنے تمام شہریوں کی حفاظت اور سلامتی کو یقینی بنا سکے۔ بیان کے مطابق ہم اس مشکل وقت میں پاکستان کے ساتھ کھڑے ہیں۔
Short Link: https://urdu.app.com.pk/urdu/?p=571720
