امریکی صدر منگل کوروسی ہم منصب سے روس۔یوکرین جنگ بندی پر بات کریں گے

واشنگٹن۔17مارچ (اے پی پی):امریکی صدر ڈونلڈ ٹرمپ نے کہا ہے کہ وہ منگل کو روسی صدر ولادیمیرپیوٹن کے ساتھ یوکرین کے تنازع کو حل کرنے کے بارے میں بات کرنے کا ارادہ رکھتے ہیں۔ شنہوا کے مطابق انہوں نے گزشتہ شام کو فلوریڈا سے واشنگٹن جانے والی پرواز کے دوران ایئر فورس ون میں سوار صحافیوں سے گفتگو کرتے ہوئے کہا کہ میرے خیال میں ہم روس کے ساتھ بہت اچھا کام کر رہے ہیں، میں منگل کو روسی صدر سے بات کروں گا۔

ہفتے کے آخر میں بہت سا کام ہو چکا ہے۔ انہوں نے کہا کہ زمین اور پاور پلانٹس روسی رہنما کے ساتھ ان کی گفتگو کا حصہ ہوں گے۔ امریکی صدر نے صحافیوں کو بتایا کہ ہم زمین کے بارے میں بات کریں گے۔ ہم پاور پلانٹس کے بارے میں بات کریں گے۔

انہوں نے کہا کہ ہم دیکھنا چاہتے ہیں کہ کیا ہم اس جنگ کو ختم کر سکتے ہیں۔ شاید ہم کر سکتے ہیں، شاید ہم نہیں کر سکتے لیکن مجھے لگتا ہے کہ ہمارے پاس بہت اچھا موقع ہے۔

Short Link: https://urdu.app.com.pk/urdu/?p=573375