واشنگٹن ۔ 06 اکتوبر (اے پی پی) امریکی صدر ڈونلڈ ٹرمپ نے کہا ہے کہ ایران نے جوہری معاہدے کی روح کی پاسداری نہیں کی ہے، ایران کے جوہری عزائم اور مشرقِ وسطیٰ میں جارحیت کو مکمل طور پر ختم کرنا ہے۔ برطانوی نشریاتی ادارے کے مطابق اعلیٰ امریکی عسکری قیادت سے ملاقات کے بعد صدر ڈونلڈ ٹرمپ نے کہا کہ یہ طوفان سے پہلے کی خاموشی کا ہے۔ امریکی صدر کی ملک کی عسکری قیادت سے ملاقات میں ایران اور شمالی کوریا کے جوہری پروگرام پر بات چیت ہوئی۔ ادھر وائٹ ہاوس کے ذرائع کا کہنا ہے کہ صدر ٹرمپ آئندہ ہفتے ایران کے ساتھ جوہری معاہدے کے حوالے سے صدارتی تصدیق نہیں کریں گے جس کے بعد ممکنہ طور پر امریکی کانگریس ایران کے خلاف ایک مرتبہ پھر پابندیاں عائد کردے گا۔ امریکی عسکری قیادت سے ملاقات کے بعد صدر ٹرمپ نے کہا کہ ایران نے جوہری معاہدے کی روح کی پاسداری نہیں کی ہے۔ایران اور چھ عالمی طاقتوں کے درمیان 2015ءمیں معاہدہ ہوا تھا جس کے تحت ایران کے جوہری پروگرام پر کچھ پابندیاں لگائی گئی تھیں اور بدلے میں عالمی برادری نے ایران کے خلاف عائد اقتصادی پابندیوں میں کمی کی تھی۔
