امریکی میوزیم نے 13 چوری شدہ کمبوڈیائی شاہکار کمبوڈیا کو واپس کر دیے

نیویارک ۔18دسمبر (اے پی پی):امریکا کے سان فرانسسکو میں واقع ایشین آرٹ میوزیم نے کمبوڈیا کو 13 اہم خمر آرٹیکٹ واپس کرنے پر اتفاق کیا ہے۔شنہوا کے مطابق یہ بات کمبوڈیا کی وزارت ثقافت و فنون لطیفہ نے جمعرات کو جاری کردہ ایک پریس ریلیز میں کہی۔

واپس کیے جانے والے ان 13 شاہکاروں میں خداؤں کے مجسمے، پتھر کے سر، ایک شیر اور اہم سنگ تراش فنون کے عناصر شامل ہیں۔ پریس ریلیز میں بتایا گیا کہ یہ اشیاء "غیر قانونی طور پر انخلاء کی گئیں” جب کمبوڈیا میں خانہ جنگی اور عدم استحکام کا دور دورہ تھا۔کمبوڈیا کے وزیر ثقافت و فنون لطیفہ فہرنگ سکونا نے کہا کہ ہر ایک واپس کیے جانے والا شاہکار کمبوڈیائی شناخت کا زندہ ٹکڑا ہے۔

ان کا واپسی نہ صرف ثقافتی یادوں کی بحالی کی نمائندگی کرتی ہے، بلکہ یہ عشروں کی لڑائی اور ورثہ کے نقصان سے جو زخم لگے ہیں، ان کی شفا یابی کی علامت بھی ہے۔واضح رہے بدھ کے روز کمبوڈیا نے یہ بھی اعلان کیا تھا کہ امریکا کے اسمتھسونی انسٹیٹیوٹ کے نیشنل میوزیم آف ایشین آرٹ نے کمبوڈیا کو تین چوری شدہ خمر شاہکار واپس کرنے کی منظوری دے دی ہے۔