ماسکو ۔ 22 ستمبر (اے پی پی) روس نے کہا ہے کہ ہم امریکی پابندیوں سے خوفزدہ نہیں، یہ پابندیاں ہمارے ایران کے ساتھ تعلقات پر اثر انداز نہیں ہوسکتیں۔یہ بات روس کے نائب وزیر خارجہ سرگئی ریابکوف نے منگل کے روز صحافیوںسے گفتگو کرتے ہوئے کہی۔انھوں نے کہا کہ پابندیاں ایران اور روس کے درمیان تعاون پر اثرانداز نہیں ہوں گی اورامریکی کوششوں کے باوجود ایران سے متعلق روس کے موقف میں کوئی تبدیلی نہیں آئی ہے۔ریابکوف نے کہا کہ امریکا کے اس اقدام سے ایران اور روس کے تعلقات پر ب±رے اثرات مرتب نہیں ہوں گے اور ایران سے مختلف شعبوں میں باہمی تعاون کا سلسلہ جاری رہے گا۔انہوں نے کہا کہ تکنیکی اور عسکری شعبے میں ایران اور روس کے درمیان تعاون فریقین کی ضروریات کے مطابق پرامن ماحول اور امریکی دباﺅ کے بغیر آگے بڑھے گا۔
