اسلام آباد۔27نومبر (اے پی پی):انسدادِ پولیو مہم کے حوالے سے پہلے دن کی کارکردگی پر جائزہ اجلاس منعقد ہوا۔اجلاس کی صدارت ڈپٹی کمشنر اسلام آباد عرفان نواز میمن نے کی۔ریویو کمیٹی اجلاس میں ایڈیشنل ڈپٹی کمشنر ایسٹ عثمان اشرف، اسسٹنٹ کمشنرز ، محکمہ صحت اور دیگر سٹیک ہولڈرز نے شرکت کی۔ترجمان آئی سی ٹی کے مطابق اسسٹنٹ کمشنرز اور محکمہ صحت کے نمائندگان نے اجلاس کو پہلے روز کے حوالے سے کارکردگی پر بریفنگ دی۔
ڈپٹی کمشنر اسلام آباد عرفان نواز میمن نے افسران کو ہدایت جاری کرتے ہوئے کہا کہ ٹارگٹ کا ہدف کا حصول اولین ترجیح ہے اور جتنے بچے آج موجود نہیں تھے ان کو ترجیح میں رکھا جائے تاکہ ان کو انسدادِ پولیو کی ویکسین پلائی جا سکے اور دیگر عوامل پر ضرورت ہدایات جاری کی۔ڈپٹی کمشنر اسلام آباد نے بتایا کہ اسلام آباد میں پانچ سال سے کم عمر بچوں کا ہدف ہے جسے ہر صورت پورا کرنا ہے۔ڈپٹی کمشنر اسلام آباد عرفان نواز میمن نے والدین سے گزارش کرتے ہوئے کہا کہ اپنے بچوں کو پولیو کے دو قطرے ضرور پلائیں اور پولیو سے محفوظ پاکستان بنائیں۔
Short Link: https://urdu.app.com.pk/urdu/?p=414656
