لاہور۔10جون (اے پی پی):لاہور کی انسداد دہشت گردی کی عدالت میں نو مئی کو جلا ئوگھیرا ئوکے مقدمات میں بانی پی ٹی آئی کا پولی گرافک اور فوٹو گرامیٹک ٹیسٹ کروانے سے متعلق پولیس نے رپورٹ پیش کردی۔ انسداد دہشت گردی عدالت کے ایڈمن جج منظر علی گل نے پولیس کی درخواست پر سماعت کی ۔دوران سماعت لاہور پولیس نے اپنی رپورٹ میں بتایا کہ بانی پی ٹی آئی نے دوبارہ ٹیسٹ کروانے سے انکار کردیا ہےلہذا عدالت درخواست پر مناسب حکم جاری کرے۔ عدالت نے فریقین کے وکلا کے دلائل سننے کے بعد پراسکیوشن کی درخواست پر فیصلہ محفوظ کرلیا۔
