لاہور۔30اپریل (اے پی پی):انٹرمیڈیٹ کے سالانہ امتحان میں 2 جعلی امیدوار رنگے ہاتھوں پکڑے گئے – ترجمان کے مطابق بورڈ آف انٹرمیڈیٹ اینڈ سیکنڈری ایجوکیشن لاہور کے زیر اہتمام انٹرمیڈیٹ سالانہ امتحانات 2025 کے انگریزی کا پرچہ دیتے ہوئے مختلف سنٹرز سے دو جعلی امیدوار رنگے ہاتھوں پکڑے گئے ۔ہائی سکول جودھو دھیر رائیونڈ لاہور سے دوست کی جگہ امتحان دینے والے امیدوار کو کنٹرولر امتحانات سکواڈ نے رنگے ہاتھوں پکڑ لیا ،جعلی امیدوار علی اپنے دوست دانش رحمان رولنمبر 682083کی جگہ پیپر دینے آیا تھا ،
اسی طرح دوسرے جعلی امیدوار کو ریلوے روڈ کالج سینٹر(اے)سے سنیئر سپرنٹنڈنٹ نے دوران انسپیکشن پکڑا ،ذیشان حیدر جعلی امیدوار اپنے دوست اسمعیل احمد بٹ رولنمبر 691842کی جگہ پر امتحان دے رہا تھا،دونوں جعلی امیدوار کے خلاف ایف آئی ارز درج کر کے پولیس کے حوالے کر دیا گیا ہے ۔ اس حوالے سے کنٹرولر امتحانات محمد زاہد میاں نے کہا ہے کہ میٹرک امتحانات کو شفاف بنانے کے لیے پرعزم ہیں، جعلی امیدواروں کے خلاف بلا تفریق کاروائیاں جاری رکھیں گے۔
Short Link: https://urdu.app.com.pk/urdu/?p=590735
