لاہور۔2اپریل (اے پی پی):وزیر طلاعات پنجا ب عظمی بخاری نے کہاکہ تھیٹرز مالکان اپنی انڈرٹیکنگ کے مطابق تھیٹرز کو چلانے کے پابند ہیں جو تھیٹرز مالکان انڈرٹیکنگ کی خلاف ورزی کریں گے ان کو تھیٹر چلانے کی اجازت نہیں ملے گی ۔سٹیج اداکار اور اداکارائیں تھیٹرز کو فیملی تھیٹرز بنانے میں اپنا رول ادا کریں۔
عظمی بخاری نے کہاکہ عید کے موقع پر شہریوں کو تھیٹرز مالکان اچھی اور معیاری تفریح فراہم کریںغیر قانونی اور بغیر لائسنس کسی کو تھیٹرز چلانے کی اجازت نہیں۔ انہوں نے کہا کہ پنجاب میں جو بھی غیر قانونی اور بغیر لائسنس تھیٹرز چلائے گا اسکے خلاف سخت کارروائی ہو گی تمام اضلاع کے ڈی سی اور ضلعی انتظامیہ پنجاب آرٹ کونسل کے نمائندوں کے ساتھ رابطے میں رہیں جو تھیٹرز پالیسی اور ایس او پیز کی خلاف ورزی کرے اس کے خلاف بروقت کارروائی عمل میں لائی جائے۔
تھیٹرز کے نام پر کسی کو فحاشی اور بے حیائی پھلانے کی اجازت نہیں دی جاسکتی۔ انہوں نے کہاکہ جلدوہ خود بھی پنجاب کے مختلف اضلاع کے تھیٹرز کے سرپرائز وزٹ کر یں گی۔
Short Link: https://urdu.app.com.pk/urdu/?p=577943
