لندن۔4اکتوبر (اے پی پی):انگلش پریمیئر فٹ بال لیگ میں کل (ہفتہ کو) مزید 7 میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ کرسٹل پیلس اور لیورپول کی ٹیموں کے درمیان سیلہرسٹ پارک، لندن میں کھیلا جائے گا،
دوسرا میچ آرسنل اور سائوتھمپٹن کی ٹیموں کے درمیان ایمرٹس سٹیڈیم،لندن میں کھیلا جائے گا،تیسرے میچ میں برینٹ فورڈ اوروولور ہیمپٹن کی ٹیمیں آمنے سامنے ہوں گی اور یہ میچ جی ٹیک کمیونٹی سٹیڈیم، برینٹ فورڈ میں کھیلا جائے گا، چوتھا میچ لیسٹر سٹی اور بورن مائوتھ کی ٹیموں کے درمیان کنگ پائور سٹیڈیم ،لیسٹرمیں کھیلا جائے گا،پانچواں میچ دفاعی چیمپئن مانچسٹر سٹی اور فلہم کی ٹیموں کے درمیان اتحاد سٹیڈیم ،مانچسٹر میں کھیلا جائے گا،
چھٹے میچ میں ویسٹ ہیم یونائیٹڈ اور ایپسوچ ٹائون کی ٹیمیں لندن سٹیڈیم ،لندن میں پنجہ آزمائی کریں گی جبکہ ہفتہ کو ساتواں اور آخری میچ ایورٹن اور نیوکیسل یونائیٹڈ کے درمیان گڈیسن پارک، لیورپول میں کھیلا جائے گا۔ انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔
ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔\932
Short Link: https://urdu.app.com.pk/urdu/?p=508209
 مزید 7میچ کھیلے جائیں گے){kind=link}