لندن۔12مارچ (اے پی پی):انگلش پریمیئر فٹ بال لیگ میں 15مارچ بروز (ہفتہ کو)مزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ ایورٹن اور ویسٹ ہیم یونائیٹڈ کی ٹیموں کے درمیان گوڈیسن پارک، لیورپول کے مقام پر کھیلا جائے گا،دوسرا میچ ایپسوچ ٹائون اور ناٹنگھم فارسٹ کی ٹیموں کے درمیان پورٹ مین روڈ، ایپسوچ کے مقام پر کھیلا جائے گا،تیسرے میچ میں دفاعی چیمپئن مانچسٹر سٹی اور برائٹن اینڈ ہوو البیون کی ٹیمیں آمنے سامنے ہوں گی اور یہ میچ اتحاد سٹیڈیم، مانچسٹر میں کھیلا جائے گا۔
چوتھا میچ وولور ہیمپٹن اور سائوتھمپٹن کی ٹیموں کے درمیان سینٹ میری سٹیڈیم ، سائوتھمپٹن میں کھیلا جائے گاجبکہ 15مارچ بروز ہفتہ کا پانچواں اور آخری میچ بورن ماؤتھ اور برینٹ فورڈ کی ٹیموں کے درمیان وائٹلٹی سٹیڈیم، بورن مائوتھ کے مقام پر کھیلا جائے گا۔انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔
ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔
Short Link: https://urdu.app.com.pk/urdu/?p=571401
