لندن۔21مئی (اے پی پی):انگلش پریمیئر فٹ بال لیگ میں 25 مئی بروز اتوار کومزید 10 میچ کھیلے جائیں گے ۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ بورن ماؤتھ اور لیسٹر سٹی کی ٹیموں کے درمیان وائٹلٹی سٹیڈیم، بورن ماؤتھ کے مقام پر کھیلا جائے گا،دوسرا میچ فلہم اوردفاعی چیمپئن مانچسٹر سٹی کی ٹیموں کے درمیان کریون کاٹیج، لندن کے مقام پر کھیلا جائے گا،تیسرے میچ میں ایپسوچ ٹائون اور ویسٹ ہیم یونائیٹڈ کی ٹیمیں آمنے سامنے ہوں گی اور یہ میچ پورٹ مین روڈ، ایپسوچ میں کھیلا جائے گا۔
چوتھا میچ میزبان لیورپول اور کرسٹل پیلس کی ٹیموں کے درمیان اینفلیڈ لیورپول میں کھیلا جائے گا،پانچواں میچ مانچسٹر یونائیٹڈ اور آسٹن ولا کی ٹیموں کے درمیان کھیلا جائے گا اور یہ میچ اولڈ ٹریفورڈ، مانچسٹر کے مقام پر کھیلا جائے گا،چھٹے میچ میں نیوکیسل یونائیٹڈ اور ایورٹن کی ٹیمیں سینٹ جیمز پارک، نیو کیسل اپون ٹائن کے مقام پر پنجہ آزمائی کریں گی ۔ ساتویں میچ میں ناٹنگھم فارسٹ اور چیلسی کی ٹیمیں آمنے سامنے ہوں گی اور یہ میچ سٹی گرائونڈ ناٹنگھم میں کھیلا جائے گا۔ آٹھواں میچ سائوتھمپٹن اور آرسنل کی ٹیموں کے درمیان سینٹ میری سٹیڈیم ،سائوتھمپٹن میں کھیلا جائے گا۔
نویں میچ میں ٹوٹنہم ہاٹ پور اور برائٹن اینڈ ہوو البیون کی ٹیمیں ٹوٹنہم ہاٹ پور سٹیڈیم، لندن کے مقام پر نبرد آزماہوں گی جبکہ 25مئی بروز اتوار کا دسواں اور آخری میچ وولور ہیمپٹن برینٹ فورڈ کی ٹیموں کے درمیان مولینکس سٹیڈیم، وولور ہیمپٹن کے مقام پر کھیلا جائے گا۔
انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔ ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔
Short Link: https://urdu.app.com.pk/urdu/?p=599608
