لندن۔30جنوری (اے پی پی):لیورپول کی فٹ بال ٹیم اپنی شاندار کارکردگی کی بدولت انگلش پریمیئر لیگ کے پوائنٹس ٹیبل پرٹاپ پوزیشن پر براجمان ہے۔لیورپوال ٹیم کے سب سے زیادہ 53پوائنٹس ہیں، آرسنل اور ناٹنگھم فارسٹ کی ٹیمیں بالترتیب دوسرے اور تیسرے نمبر پر ہیں ۔ دفاعی چیمپئن مانچسٹر سٹی کی ٹیم چوتھے جبکہ نیوکیسل یونائیٹڈ کی ٹیم پانچویں نمبر پر موجود ہے۔لیورپول کی ٹیم کے اب تک کھیلے گئے میچز کے بعد سب سے زیادہ 53 پوائنٹس ہیں،آرسنل کی ٹیم 23 میچ کھیل کر 447 پوائنٹس کے ساتھ دوسرے اور ناٹنگھم فارسٹ کی ٹیم 44 پوائنٹس کے ساتھ تیسرے نمبر پر ہیں۔
انگلش پریمیئر لیگ کے 33 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے،یہ مجموعی طور پر ٹاپ فلائٹ انگلش فٹ بال کا 126واں ایڈیشن ہے ۔ لیگ میں شامل تمام 20 ٹیموں میں سے 18 نے اپنے 23،23 میچز کھیل لئے ہیں ،لیورپول کی ٹیم 22 میچز کھیل چکی ہے اور اس کو 16میچز میں فتح ہوئی جبکہ 5میچ ڈرا ہوئے ہیں اور اس کی ایک میچ میں شکست کا سامنا کرناپڑا ہےاور وہ سب سے زیادہ 53 پوائنٹس کے ساتھ ٹاپ پوزیشن پر برقرار ہے ۔
آرسنل کی ٹیم 23 میچ کھیل کر 447 پوائنٹس کے ساتھ دوسرے اور ناٹنگھم فارسٹ کی ٹیم 44 پوائنٹس کے ساتھ تیسرے نمبر پر ہیں۔۔ دفاعی چیمپئن مانچسٹر سٹی اور نیو کیسل یونائیٹڈ کی ٹیمیں 23،23 میچز کھیل چکی ہیں اور دونوں ٹیمیں 41،41 مساوی پوائنٹس کے ساتھ بالترتیب چوتھے اور پانچویں نمبر پر ہیں۔ اسی طرح چیلسی اور بورن مائوتھ کی ٹیمیں 40،40 مساوی پوائنٹس کے ساتھ بالترتیب چھٹے اور ساتویں نمبر پر موجود ہیں۔آسٹن ولا کی ٹیم 37پوائنٹس کے ساتھ آٹھویں نمبر پر موجود ہے۔
برائٹن اینڈ ہوو البیون کی ٹیم بھی 34 پوائنٹس کے ساتھ نویں نمبر پر ہے۔فلہم کی ٹیم 33پوائنٹس کے ساتھ دسویں نمبر پر ہے۔ سائوتھمپٹن کی ٹیم بھی 23 میچز کھیل چکی ہے جن میں اس کو صرف ایک میچ میں کامیابی حاصل ہوئی ، 19 میچز میں شکست کا سامنا کرنا پڑا ہے اور وہ سب سے کم 6 پوائنٹس کے ساتھ سب سے نیچے 20ویں نمبر پر ہے
Short Link: https://urdu.app.com.pk/urdu/?p=553705
