لندن۔18مارچ (اے پی پی):لیورپول کی فٹ بال ٹیم اپنی شاندار کارکردگی کی بدولت انگلش پریمیئر لیگ کے پوائنٹس ٹیبل پرٹاپ پوزیشن پر براجمان ہے، اس ٹیم کے سب سے زیادہ 70پوائنٹس ہیں، آرسنل اور ناٹنگھم فارسٹ کی ٹیمیں بالترتیب دوسرے اور تیسرے نمبر پر ہیں ،چیلسی کی ٹیم چوتھے جبکہ دفاعی چیمپئن مانچسٹر سٹی کی ٹیم پانچویں نمبرپر ہے اور اس کے ٹیبل پر 48پوائنٹس ہیں۔
لیورپول کی ٹیم کے اب تک کھیلے گئے میچز کے بعد سب سے زیادہ 70 پوائنٹس ہیں،آرسنل اور ناٹنگھم فارسٹ کی ٹیمیں 29،29 میچ کھیل کر 54،58 پوائنٹس کے ساتھ بالترتیب دوسرے اور تیسرے نمبر پر ہیں۔ انگلش پریمیئر لیگ کے 33 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے،یہ مجموعی طور پر ٹاپ فلائٹ انگلش فٹ بال کا 126واں ایڈیشن ہے ۔ لیگ میں شامل تمام 20 ٹیموں میں سے 18 نے اپنے 29،29 میچز کھیل لئے ہیں ،لیورپول کی ٹیم 29 میچز کھیل چکی ہے اور اس کو 21میچز میں فتح ہوئی جبکہ 7میچ ڈرا ہوئے ہیں اور اس کی ایک میچ میں شکست کا سامنا کرناپڑا ہےاور وہ سب سے زیادہ 70 پوائنٹس کے ساتھ ٹاپ پوزیشن پر برقرار ہے ۔
آرسنل اور ناٹنگھم فارسٹ کی ٹیمیں بھی 29،29 میچ کھیل چکی ہیں اور وہ 54،58 پوائنٹس کے ساتھ بالترتیب دوسرے اور تیسرے نمبر پر ہیں۔چیلسی کی ٹیم چوتھے نمبر پر ہے اور اس کے 49 پوائنٹس ہیں، دفاعی چیمپئن مانچسٹر سٹی کی ٹیم تنزلی کا شکار ہے اور وہ 48پوائنٹس کے ساتھ چوتھے سے پانچویں نمبر پر چلی گئی ہے ۔ نیوکیسل یونائیٹڈ اور برائٹن اینڈ ہوو البیون کی ٹیموں کے 47، 47 مساوی پوائنٹس ہیں اور وہ بالترتیب چھٹے اور ساتویں نمبر پر ہیں۔
اسی طرح فلہم اور آسٹن ولا کی ٹیموں کے بھی 45،45 مساوی پوائنٹس ہیں اور وہ بالترتیب آٹھویں اور نویں نمبر پر ہیں۔ بورن مائوتھ کی ٹیم کے 44 پوائنٹس ہیں اور وہ دسویں نمبر پر موجود ہے۔ سائوتھمپٹن کی ٹیم بھی 29 میچز کھیل چکی ہے جن میں اس کو صرف دومیچز میں کامیابی حاصل ہوئی ہے جبکہ 24 میچز میں شکست کا سامنا کرنا پڑا ہے اور وہ سب سے کم 9 پوائنٹس کے ساتھ سب سے نیچے 20ویں نمبر پر ہے۔
Short Link: https://urdu.app.com.pk/urdu/?p=573693
