لندن۔8اپریل (اے پی پی):نیوکیسل یونائیٹڈ نے انگلش پریمیئر لیگ کے ایک میچ میں لیسٹر سٹی کی ٹیم کو با آسانی 0-3 گول سے ہرا دیا۔ یہ نیوکیسل یونائیٹڈ کی ای پی ایل میں16ویں فتح ہے۔جیکب مرفی نے 2 جبکہ ہاروی بارنس نے ایک گول کر کے نیو کیسل یونائیٹڈکی فتح میں کلیدی کردار ادا کیا۔
پریمیئر لیگ کے دلچسپ مقابلے انگلینڈ میں جاری ہیں۔کنگ پائور سٹیڈیم، لیسٹر، انگلینڈ میں کھیلے گئے لیگ کے اہم میچ میں نیوکیسل یونائیٹڈ اور لیسٹر سٹی کی ٹیمیں آمنے سامنے تھیں۔ نیوکیسل یونائیٹڈ کی ٹیم نے میچ میں انتہائی شاندار کارکردگی کا مظاہرہ کرتے ہوئے لیسٹر سٹی کی ٹیم کو باآسانی 0-3 گول سے ہرا دیا۔
جیکب مرفی نے 2 جبکہ ہاروی بارنس نے ایک گول کر کے اپنی ٹیم نیو کیسل یونائیٹڈ کی فتح میں اہم کردار ادا کیا۔ لیسٹر سٹی کی ٹیم میچ میں گول سکور نہ کر سکی۔ واضح رہے کہ انگلش پریمیئر لیگ میں نیو کیسل یونائیٹڈ کی ٹیم پوائنٹس ٹیبل پر 53 پوائنٹس کے ساتھ پانچویں نمبر پر موجود ہے ۔
Short Link: https://urdu.app.com.pk/urdu/?p=579316
