اسلام آباد۔9جون (اے پی پی):آئندہ مالی سال 24-2023 کےلئے سرکاری شعبہ کے ترقیاتی پروگرام میں صنعت و پیداوار ڈویژن کےلئے 3ارب روپے مختص کئے گئے ہیں۔ جمعہ کو جاری کئے گئے سرکاری شعبہ کے ترقیاتی پروگرام (پی ایس ڈی پی) کے مطابق ایک ہزار انڈسٹریل سٹیچنگ یونٹس کےلئے 16کروڑ 61لاکھ روپے،
بزنس سکلزڈویلپمنٹ سنٹر فار ویمن ڈیرہ اسماعیل خان کےلئے ایک ارب 50کروڑ روپے، انڈسٹریل ڈیزائننگ سنٹرز کراچی،لاہور اور سیالکوٹ کےلئے 20کروڑ روپے، نیشنل بزنس ڈویلپمنٹ پروگرام اورا یس ایم ایز کےلئے 30کروڑ روپے ، پراڈکٹ ڈویلپمنٹ سنٹرسیالکوٹ کےلئے 4کروڑ 58 لاکھ روپے سمیت دیگر منصوبوں کےلئے فنڈز مختص کئے گئے ہیں۔
