اسلام آباد۔15مئی (اے پی پی):محکمہ موسمیات کے مطابق آئندہ چوبیس گھنٹوں کے دوران ملک کے بیشتر میدانی علاقوں میں موسم شدید گرم رہے گا تاہم گلگت بلتستان ،بالائی خیبر پختونخوا، بالائی پنجاب اور کشمیر میں چند مقامات پر آندھی /گرد آلود ہواؤں اور گرج چمک کے ساتھ بارش کا امکان ہے۔ رپورٹ کے مطابق اس دوران ملک کے وسطی اور جنوبی اضلاع میں گردآلود ہوائیں /جھکڑچلنے کی توقع ہے۔
گزشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہاجبکہ بالائی خیبر پختونخوا اور گلگت بلتستان میں بعض مقامات پر ہلکی بارش ہوئی ۔ سب سے زیادہ بارش گوپس 3، بالائی و زیریں دیر میں ایک ملی میٹر بارش ریکارڈ کی گئی۔
اتوار کو ریکارڈکیےگئےزیادہ سےزیادہ درجہ حرارت کی رپقرٹ کے مطابق بھکر، نورپور تھل، ڈیرہ اسماعیل خان میں درجہ حرارت 49، ڈیرہ غازی خان، رحیم یار خان ، جیکب آباد اور شہید بینظیر آباد میں 48 ڈگری سینٹی گریڈ ریکارڈ کیا گیا۔
