اسلام آباد۔3اکتوبر (اے پی پی):اسلام آباد الیکٹرک سپلائی کمپنی (آئیسکو) نےضروری مرمت اور معمول کے ترقیاتی کاموں کی وجہ سےکل جمعہ کیلئے لوڈشیڈنگ کا شیڈول جاری کر دیا۔ جمعرات کو آئیسکو ترجمان کی جانب سے جاری بیان کے مطابق اسلام آباد،راولپنڈی ،اٹک،چکوال اورجہلم سرکلز کے مختلف علاقوں کو بجلی سپلائی کر نے والے فیڈرز پر درج ذیل شیڈول کے مطابق بجلی کی سپلائی عارضی طور پر معطل رہے گی۔آئیسکو کے مطابق جمعہ 4 اکتوبر کی صبح 7 بجے سے دن 12 بجے تک اسلام آباد سرکل،انڈسٹریلI،نیو پی ٹی این،ماڈرن سٹیل فیڈرز، راولپنڈی کینٹ سرکل،رحمت آبادII فیڈر، راولپنڈی سٹی سرکل،فاروق اعظم روڈ،پی اینڈ ٹی ون ،احسن آباد فیڈرز ا ور گردونواح بند رہیں گے۔ مزید براں جی ایس او سرکل،132کے وی گرڈ سٹیشنز میر پور، چھترپری،نیو سٹی میر پور پر ضرورت پڑنے پر 20میگا واٹ کی لوڈ مینجمنٹ ضرورت پڑنے پر کی جا سکتی ہے۔ آئیسکو انتظامیہ اپنے صارفین سے بجلی کی بندش پر معذرت خواہ ہے، وقت سے قبل کام مکمل ہونے کی صورت میں بجلی کی سپلائی مقررہ شیڈول سے پہلے بھی بحال کی جاسکتی ہے اورگردونواح کی بجلی بند رہے گی۔
Short Link: https://urdu.app.com.pk/urdu/?p=508188
