کیلیفورنیا۔12مارچ (اے پی پی):امریکا کی ٹینس سٹار آسیہ محمد اور ان کی نیدرلینڈز کی جوڑی دار ڈیمی شورس ڈبلیو ٹی اے انڈین ویلز اوپن ٹینس ٹورنامنٹ میں خواتین کے ڈبلز مقابلوں کے کوارٹر فائنل میں پہنچ گئیں ۔آسیہ محمد اور اور ڈیمی شورس نے خواتین کے ڈبلز مقابلوں کےدوسرے میچ میں اکاترینا الیگزینڈروا اور ان کی ہم وطن جوڑی دار لیوڈمیلا دیمتریونا سمسونوا پر مشتمل روسی جوڑی کو شکست دے کر ایونٹ کے ٹاپ ایٹ رائونڈ کے لئے کوالیفائی کیا ۔
ڈبلیو ٹی اے کے زیراہتمام ویمنز ٹینس ٹورنامنٹ کے دلچسپ اور سنسنی خیز مقابلے امریکا کی ریاست کیلیفورنیا میں جاری ہیں۔بدھ کو خواتین کے ڈبلز مقابلوں کے دوسرے میچ میں امریکا کی ٹینس سٹار آسیہ محمد اور ان کی نیدرلینڈز کی جوڑی دار ڈیمی شورس نے عمدہ کھیل پیش کرتے ہوئے حریف اکاترینا الیگزینڈروا اور ان کی ہم وطن جوڑی دار لیوڈمیلا دیمتریونا سمسونوا پر مشتمل روسی جوڑی کو سٹریٹ سیٹس میں 3-6 اور4-6سے شکست دے کر ایونٹ کے کوارٹر فائنل رائونڈ کے لئے بھی کوالیفائی کرلیا۔
Short Link: https://urdu.app.com.pk/urdu/?p=571496
