اٹھارہویں بنگلہ دیش ڈینم ایکسپو میں شرکت کے لئے درخواستیں 10اپریل تک جمع کرائی جا سکتی ہیں ،ٹی ڈی اے پی

اسلام آباد۔9اپریل (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ بنگلہ دیش میں منعقد ہونے والی بین الاقوامی تجارتی نمائش ’’اٹھارہویں بنگلہ دیش ڈینم ایکسپو ‘‘ میں شرکت کے لئے درخواستیں کل( 10اپریل )تک جمع کرائی جا سکتی ہیں ۔

ٹی ڈی اے پی کے مطابق نمائش ڈھاکہ میں 12 تا 13 مئی جاری رہے گی جس میں ڈینم گارمنٹس ، ڈینم فیبرکس ، ڈینم گارمنٹس مشینری ، اسیسریز اور سپلائیز سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں۔