اسلام آباد۔1مارچ (اے پی پی):سینیٹر عرفان صدیقی نے کہا ہے کہ حکومت نے معیشت کی بحالی میں بہتر کارکردگی کا مظاہرہ کیا ہے،اپوزیشن کے اتحاد سے پریشان ہونے کی کوئی وجہ نہیں ہے۔ہفتہ کو نجی ٹی وی سے گفتگو کرتے ہوئے انہوں نے کہا کہ پاکستان تحریک انصاف (پی ٹی آئی) سے ہاتھ ملانے والی جماعتیں جمہوری روایات کی پاسداری کرتی ہیں لیکن تحریک انصاف کے غیر جمہوری اقدامات کی وجہ سے اس اتحاد کے کامیاب ہونے کا امکان نہیں۔
انہوں نے کہا کہ پی ٹی آئی ایک جماعت کی بجائے تشدد اور افراتفری میں پروان چڑھی جس کی وجہ سے یہ اتحاد شروع سے ہی کمزور اور برباد ہے۔انہوں نے کہا کہ نائب وزیر اعظم کی قیادت میں ایک کمیٹی معاہدے پر عمل درآمد کے لیے سرگرم عمل ہے۔
