’’اڑان پاکستان‘‘منصو بہ میں معیشت کے تمام سیکٹرز کی شمولیت یقینی بنائی جائے ، اشرف بھٹی

اسلام آباد۔5جنوری (اے پی پی):آل پاکستان انجمن تاجران کے مرکزی صدر اشرف بھٹی نے کہا ہے کہ ’’اڑان پاکستان ‘‘ منصوبے کو چند سیکٹرز تک محدود نہیں کیا جانا چاہیے بلکہ معیشت میں حصہ ڈالنے والے تمام سیکٹرز کی شمولیت کو یقینی بنایا جائے ۔

اتوار کو اپنے ایک بیان میں اشرف بھٹی نے کہا کہ عوام حکومت اور اپوزیشن کے درمیان مذاکرات کی کامیابی کیلئے دعا گو ہیں ۔ انہوں نے مزید کہا کہ معیشت کی ترقی سیاسی استحکام سے جڑی ہوئی ہے ، حکومت اور اپوزیشن کو میثاق معیشت کے لئے بھی پیشرفت کرنی چاہیے اس سے کسی سیاسی جماعت کا نہیں بلکہ ملک و قوم کا فائدہ ہے ۔