ملتان۔ 24 اگست (اے پی پی):جنوبی پنجاب کے طلبہ کےلئے خوشخبری ، ایئر یونیورسٹی کی انتظامیہ کا فیسوں میں 50فیصدکمی کا اعلان کردیا۔
تفصیلات کے مطابق ڈائریکٹر ایئر یونیورسٹی ملتان کیمپس ڈاکٹر غلام علی کی درخواست پر ایئر یونیورسٹی انتظامیہ نے جنوبی پنجاب کے طلبہ جومالی مشکلات کی وجہ سے اپنی تعلیم جاری نہیں رکھ سکتے ان کےلئے مخصوص کورسز میں 50فیصد رعایت دینے کا فیصلہ کیا ہے،رعایت مکمل کورس پر دی جائےگی ۔
ڈاکٹر غلام علی کا کہنا ہے کہ 50فیصد رعایت طلبہ کےلئے کم فیس کے ساتھ معیاری تعلیم حاصل کرنے کا نادر موقع ہے۔ایئر یونیورسٹی جنوبی پنجاب کے طلبہ کم فیس میں معیاری تعلیم حاصل کرنے کا موقع فراہم کر رہی ہے جس سے طلبہ کو استفادہ کرنا چاہئے ۔
