ایبٹ آباد پولیس کی کارروائی، منشیات فروش گرفتار

ایبٹ آباد۔ 14 فروری (اے پی پی):ایبٹ آباد پولیس نے کارروائی کے دوران منشیات فروش کو گرفتار کر کے اڑھائی کلو سے زائد منشیات برآمد کر لی۔ ایبٹ آباد پولیس کے مطابق ایس ایچ او تھانہ سکندرآباد بلال خان نے ٹیم کے ہمراہ کارروائی کرتے ہوئے بدنام زمانہ منشیات فروش ابرہیم کو گرفتار کر کے اس کے قبضے سے 2 کلو 415 گرام چرس اور 250 گرام ہیروئن برآمد کر لی۔ ملزم کے خلاف امتناع منشیات ایکٹ کے تحت مقدمہ درج کر کے تفتیش شروع کر دی گئی ہے۔