اسلام آباد۔30اگست (اے پی پی):خصوصی سرمایہ کاری سہولت کونسل(ایس آئی ایف سی )اور اقتصادی رابطہ کمیٹی ( ای سی سی ) کی مشترکہ کاوشوں سے ریفائننگ سیکٹر میں ایک بڑی پیشرفت کے تحت ای سی سی نے سنر جیکو کے پٹرولیم لیوی واجبات کے تصفیہ فریم ورک کی منظوری دے دی،فریم ورک کے تحت واجبات کی اصل رقم کی وصولی، پٹرولیم ڈویژن کو معاہدے پر دستخط کی اجازت ہوگی۔
سنر جیکو اب اوگرا معاہدے پر براؤن فیلڈ ریفائننگ پالیسی کے تحت عملدرآمد کر سکے گا۔پالیسی کا مقصد ریفائنریز کی اپ گریڈیشن، یوروفائیو ایندھن کی تیاری اور مہنگی درآمدات پر انحصار کم کرنا ہے۔صنعتی ماہرین نے اس فیصلے کو ریفائنری اپ گریڈیشن کے لیے گیم چینجر قرار دے دیا ۔
انہوں نے کہا کہ براؤن فیلڈ پالیسی پر عملدرآمد سے 6 ارب ڈالر کی سرمایہ کاری متوقع ہے اور ایس آئی ایف سی کی سہولت کاری سے توانائی سیکٹر میں سرمایہ کاری اورصنعتی جدید کاری کی نئی راہیں ہموار ہوں گی۔
