ایس آئی ایف سی نے ضلع ہنزہ میں ایک میگاواٹ کا شمسی بجلی گھرقائم کردیا

اسلام آباد۔20جنوری (اے پی پی):خصوصی سرمایہ کاری سہولت کونسل (ایس آئی ایف سی)نے این پاک انرجی کی شراکت سے گلگت بلتستان کے ضلع ہنزہ میں ایک میگا واٹ کا شمسی بجلی گھر لگایا ہے۔

ریڈیو پاکستان ذرائع کے مطابق اس بجلی گھر سے خطے میں توانائی کے بحران پر قابو پایا جا سکے گا اور ان وادیوں میں بسنے والے افراد کو بلاتعطل بجلی کی فراہمی یقینی ہو گی۔

سطح سمندر سے 2,800 میٹر بلندی پر واقع اس پلانٹ کے تین سو سے زائد شمسی پینلز سے مقامی افراد اور صنعتوں کیلئے سالانہ 1,600 میگا واٹ بجلی پیدا کی جائے گی۔

Short Link: https://urdu.app.com.pk/urdu/?p=431751