27.7 C
Islamabad
منگل, مئی 13, 2025
ہومعلاقائی خبریںایس ایس پی آپریشنز اسلام آ باد محمد شعیب خان کا کھلی...

ایس ایس پی آپریشنز اسلام آ باد محمد شعیب خان کا کھلی کچہری کا انعقاد

- Advertisement -

اسلام آباد۔12مئی (اے پی پی):ایس ایس پی آپریشنز اسلام آ باد محمد شعیب خان نے کھلی کچہری کا انعقاد کیا۔کھلی کچہری میں شہر یو ں کی شکا یا ت سن کر متعلقہ افسران کو احکا ما ت جا ری کئے اور درخو استو ں پر دئیے گئے وقت میں قانو نی کارروائی کرکے رپو رٹ کر نے کی ہدایت کی ۔پولیس ترجمان کے مطابق ایس ایس پی آپریشنز اسلام آباد محمد شعیب خا ن نے شہریوں کے مسائل کی فوری دادرسی کو یقینی بنانے کیلئے اپنے دفتر میں کھلی کچہری کا انعقاد کیا۔

ایس ایس پی آپریشنز اسلام آباد نے شہریوں کے مسائل سنے اور ان کے فوری حل کے لئے متعلقہ افسران کو مارک شدہ درخواستوں پر دیئے گئے وقت میں قانونی کارروائی کرکے رپورٹ پیش کرنے کے احکامات جاری کئے۔ ایس ایس پی آپریشنز نے کہا کہ ہماری اولین ذمہ داری ہے کہ ہم شہریوں کی جان و مال کی حفاظت کے ساتھ ان کی عزت نفس کا خیال رکھتے ہوئے تمام تر مسائل کو ترجیحی بنیادوں پر حل کریں،رشوت یا بدعنوانی میں ملوث اہلکاروں کے خلاف سخت ایکشن لیا جائے گا اور زیرو ٹالرنس پالیسی اپنائی جائے گی

- Advertisement -

شہریوں کے مسائل کے حل کے لئے تمام دستیاب وسائل کو بروئے کار لائیں۔ انہوں نے مزید کہا کہ کھلی کچہری کے انعقاد سے خود احتسابی کو بھی یقینی بنایا جاسکے گا، شہریوں کے مسائل کا فوری حل اولین ترجیح ہے،ہر شہری کو مساوی حقوق حاصل ہیں، تمام درخواستوں پر میرٹ پر فیصلے کئے جائیں گے،شہریوں کی جان، مال اور عزت نفس کا تحفظ مقدم ہے۔

Short Link: https://urdu.app.com.pk/urdu/?p=596302

- Advertisement -
متعلقہ خبریں
- Advertisment -

مقبول خبریں